Jowai, Risaw 12 : Ha ryngkat ka Jylla baroh kawei, ka West Jaintia Hills kala pynlong ia ka Mock Drill ban pynkhreh ialade ia ki lad ba dei ban shim lada wan lynshop u Jumai ba jur bad ka jingtwa khyndew.
Ia kane ka mock drills la pynlong da ka District Disaster Management Authority (DDMA), West Jaintia Hills.
Kane ka mock drill kala sdang da ka jingsawa ka siren ha ka por 9 baje mynstep ban maham ia ki paidbah ia ka jingkyiuh u jumai.
Ia kane ka mock drill la pynlong ha Iaphi shopping complex, Bharat Petrol pump, Gate Laban, Presbyterian School, Mission Compound, Jowai.
Ia ka Relief Camp la buh ha ka Hall jong ka Dorbar Shnong Mission compound, Jowai. Kane relief camp kadei na ka bynta ban ai jaka shong jaka sah shipor ia kito ki lanot kiba donkam ia ka jingiarap bad jingkyrshan.
