Shillong, Jylliew 13: U Myntri ka tnad pule puthi Rakkam A Sangma ha ka sngi Palei, ula pyniaid ia ka jingialang iasyllok jong ka Meghalaya State Education Commission (MeSEC) lem bad ki Principal jong ki Secondary bad Higher Secondary school, college, ki seng nonghikai bad ki District School Education Officer ka Ri-lum Garo.
Ha kane ka jingialang, u Myntri ula plie ia ka jingiasyllok da kaba kren halor ka jingthmu jong kane ka jingialang iasyllok bad ong ba kane ka jingialang ka long kaba donkam bad la pynlong da ka jingiasngewthuh ia ki jingeh bapher bapher kiba la mad ha ka pule dangle hapoh ka thain khnang ban ioh ia ai jingmut lem ban lah pynjanai bad ban phah ia ki jingai jingmut sha ka Sorkar ba kan leh ia kaba donkam.
Haba pynpaw ia ki jingangnud jong u Myntri Rangbah ka Jylla Conrad K Sangma, ula ong ba u Myntri Rangbah u angnud ba ka Jylla Meghalaya kan long kawei na ki 10 tylli ki Jylla ba hakhlieh duh ka Ri ha ka pule dangle bad bynrap ba ka pule dangle ka dei kawei na ki mat ba kongsan eh na ka bynta ka roi ka par ha baroh ki liang bad shisien ba ka kam pule dangle kala iaid ha ka lynti kaba dei, kiwei kin sa bud lem ha baroh ki bynta bad sa ioh kynjoh ia ka jingjop.
U Myntri ula kyntu ia ki Deputy Commissioner bad ki Heh Ophisar ka Tnad Education ba kin leit jurip ia ki skul man la ka por khnang ban peit ia ka rukom treikam jong ki skul hala ki jong ki District.
U Nongaibuit ka Tnad pule dangle Bah Himalaya Shangpliang ula pyntip ba ka MeSEC kala wan naduh Shillong sha Ri-lum Garo ban sngap ia ki jingeh bala mad da ki skul, ban sngewthuh ia kaei kaba ki iakynduh bad ban ai ia ki jingai jingmut khnang ban lah pynjanai ia ka kam pule dangle ha ka thain.
Ka Secretary jong ka Mothers Union bad ka nonghikai Sume B Sangma kaba pyniaid ia ka skul step na ka bynta ki nong bylla iing briew, kala pyntip ba ki nongwan skul ki dei kiba wan na kylleng ki jaka kyndong ka Ri-lum Garo bad pyntip ia ki jingeh ba iakynduh namar kiba bun ki nang satia ban pule ne ban thoh. Kala pyntip ba ha ka jingiakren bad kine ki nongwan skul, la lap ba kiba bun hi kila wan na ki skul ba don tang uwei ne kawei ka nonghikai u/ba shim haduh 5 tylli ki klas ha ka shisien shim.
Kie la iadonlang ha kane ka sngi ki kynthup ia u Chairperson, MeSEC Professor S M Sungoh, Adviser bad Chairman barim ka UPSC Chairman, David R Syiemlieh, Secretary, Education Department, Ambrose Ch Marak, Executive Chairman, Meghalaya Board of School Education, Tura C P Marak, Deputy Commissioner, West Garo Hills District Jagdish Chelani bad kiwei kiwei.
 lem bad ki Principal jong ki Secondary bad Higher Secondary school, college, ki seng nonghikai bad ki District School Education Officer ka Ri-lum Garo.){kind=link}