Shillong, Jylliew 13 : Ka seng Hynniewtrep Youth Council (HYC) Sengkmie ha ka 13 tarik Jylliew, kala ioh phah biang sa 3 ngut ki samla kiba la ngoh ha u droks, ba kin leit shah sumar ha ka Alive Again Foundation kaba don ha Jylla Assam.
U Secretary ka HYC samla Isaac W Basaiawmoit u pyntip ba naduh ba ka Seng ka pynbna ban iakhun thma pyrshah ia u droks kata naduh ka 2 tarik Jymmang 2024, ka seng kala lah ban phah leit sumar haduh 24 ngut ki samla kiba ngop ha u droks.
U pyntip ba ka HYC naduh ka 2 tarik Jymmang, ka khlem shongthait satia bad kala leit sha kylleng ki jaka ym tang ban khynra ne thang ia u droks hadien bala kurup hynrei kala sneng la kren bad iarap ruh ia ki samla ba kin leit sha ki jaka sumar hadien ba ai jingmynjur lem jong ki bahaiing hasem.
Ha kajuh ka por, u samla Isaac ula pynpaw ia ka jingkmen ba ki paidbah kila ai ka jingiatreilang bad ka seng khamtam ki longiing kiba mad ia ka jingeh.
Ula ong ruh ba lada ki paidbah ki iatreilang hi ban iakhun ia u droks, kam don jingeh satia ban pynduhjait ia u droks napoh Nongbah Shillong bad na Jylla.
 Sengkmie ha ka 13 tarik Jylliew, kala ioh phah biang sa 3 ngut ki samla kiba la ngoh ha u droks, ba kin leit shah sumar ha ka Alive Again Foundation kaba don ha Jylla Assam.){kind=link}