Tura, Risaw 30: Ki Nongkyrshan ia ka jingdawa Garoland hynnin ka sngi saitjain kila pyni nuksa ia kiwei ba kumno ban lum paidbah bad pynlong ia ka jingiaid paidbah ba jai jai haba dawa ia kano kano..
Haba niew ia kane kum ka nuksa ba dei ban shim, da ki spah ngut ki nongdawa Garoland kila iaid paidbah khlem kano kano ka jingpyni ia ka jingshun ne jingishrai ia ki nongiaid nongieng katba ki dang iaid lynti khamtam ha ki lai tylli ki jaka ba khim bha jong ka sor Tura.
Kane ka long mar pyrshah ia kaei kaba jia ha ka rally jong ka FKJGP ba long ha Shillong halor ka jingbym iohkam iohkam ki samla, ha kaba ki briew ba tap durkhmat kila shoh dusmon ia ki briew ba iaid ba ieng kynthup ruh wat ia ki nongthoh khubor.
Kane ka rally ha Tura ka dei kaba wan iashimbynta bun eh da ki rangbah, ki longkmie bad ki samla, kiba la iaid ryngkat ka pyrta slogan “We Want Garoland” hynrei kim shym la jrong kti ia ki nongpeitkai ne nongiaid nongieng.
