Shillong, Risaw 30 : Ka jingrakhe Centenary ia ka jingwan ki Salesian ka Don Bosco ha ka Thain Shatei Lam Mihngi kala kut noh hynne ka sngi U Blei da ka Eucharist ba khuid bala pynlong ha Cathedral of Mary Help for Christian, Laitumkhrah.
Kane ka jingrakhe kala sdang naduh ka 28 tarik u Risaw 2022 da ka Youth Expo ha kaba ki samla na kylleng ki Jylla jong ka thain Shatei Lam Mihngi kila iashimbynta ha ki jingiakop bapher bapher bala pynlong ha Cathedral of Mary Help of Christians, Shillong.
Da ki hajar ngut ki riewngeit kila iashimbynta ha ka Eucharist Mass bala pule da u Nuncio ka India bad Nepal, u Leopoldo Girelli ha ka jingiadonlang u Arch Bishop ka Shillong Victor Lyngdoh bad ki Lyngdoh na ki Parish bapher bapher ha ka Jylla bad ka thain Shatei Lam Mihngi nalor u Myntri Rangbah ka Jylla Conrad K Sangma bad kiwei kiwei ki Myntri Sorkar hynne ka step sngi U Blei.
U Nuncio ula iathuh ba ka dei ha ka 21 tarik Jylliew 1921 ba ki Salesians ka Don Bosco kila wan poi ha ka thain Shatei Lam Mihngi bad buh ia lai tylli ki Province kata ha Guwahati, Dimapur bad Shillong. Ula ai khublei ruh ia ki Salesian ka Donboso halor ka jingshakri ia ki paidbah ka thain bad ka jingialap ia ka Ktien u Blei sha ki paidbah ka thain.
Ha kane ka sngi la pyllait paidbah ruh ia ka kot “The History of Salesians from 1922 to 2022” da u Nuncio bad u Father Paul Lyngkot, Province ka Shillong.
