Shillong, Risaw 20 : Ka Eastern Air Command kala pyni paidbah ia ka sap bad ki buit pynher liengsuin iapom jong ki shipai liengsuin ba kynthup ka jingpyni paidbah ia ki bynta jong ka kynhun Sarang Helicopter hynne ka sngi thohdieng ha pung Umiam.
Ka jingthmu jong kane ka ‘Air show’ ka long ha ki ar bynta, kawei ka long ban pyni ia ka sap bad ki buit pynher liengsuin iapom jong ki shipai Air Force bad kawei pat ka long ban pynshlur ia ki samla ka thain Shatei Lam Mihngi khamtam ka Meghalaya ba kin mih shakhmat ha kaban rung kam shipai liengsuin.
Ki nongpeitkai kila shu iapbiej ia ki liengsuin kiba kynthup ia ki SU-30, ki jet Rafale, ki Chinook Helicopter bad kiwei kiwei.
Lah ban kdew hangne ba kane ka ‘Air show’ ka dei kaba la pynlong kum shibynta na ka jingrakhe dap 91 snem jong ka Indian Air Force.
