Nongpoh, Naiwieng 13: Ka Ri Bhoi College kawei naki shlem ai jinghikai kaba la rim bha haka them Ri Bhoi, kala pynhap pyrda noh ia ka taiew lehkmen jong ki samla pule-ka 36th Annual College Week hynnin ka sngi saitjain ha phyllaw jong ka College.
Ïa katei ka prokram lehkmen ki samla pule la pynhap pyrda da u Bah Mayral Born Syiem MLA ka Nongpoh kum u kongsan haka jingdonlang u EC Benny Vice Principal ka Ri Bhoi College, ki nonghikai lem bad ki samla pule.
Naka Liang ki samla pule ha katei ka sngi kila shimbynta ruh haki jingshad bad jingrwai bapher bapher bad kumjuh ruh ka jingïakop Miss and Mr Ri Bhoi College kaba la pynshongshit bad pynkhih met ïaki samla pule katei ka College.
Haba ai jingkren, u Bah Mayral Born Syiem u la pynpaw ba ka Ri-Bhoi College ka dei kawei naki shlem ai jinghikai kaba paw bad katba dangmih ki sngi kanei ka shlem kala nang kiew bad roi sted haka jingdon ki khynnah bad ki samla pule ban pynphriang ïaka jingnang jingstad haka thaiñ Ri-Bhoi baroh kawei.
U la ong ruh ba nalor ka pule puthi ki samla pule ki donkam ruh ïaka por lehkmen ban ban pyn pyngngad ïaka jingmut jingpyrkhat, hynrei kim dei pat ban klet ban im bad lehkmen haka rukom kaba don akor bad kaba pynsngewbha ïaki kmie ki kpa ban ïaid ruh ryngkat bad ka jingpule ba kin long ki samla kiba tip briew tip blei.
U la sneng bad kyntu ruh ïaki samla ha katei ka sngi ba kin shimkhia bad minot ïaka jingpule bad kiar naki jingmlien bad ki jingdih ba sniew kiba ktah ïaka bor met bad kumjuh ruh ka bor pyrkhat.
Ha kane ka sngi, u Bah Mayral u la aiti ruh da ki shuki bad Jersey sha ki nongïalam jong ka Ri-Bhoi College Students Union naka bynta ka jingdonkam jong ka College.
Ha ka jingïakop thei bhabriew bad ryngkynsai jong ka Ri-Bhoi College, ia ka nam Miss Ri-Bhoi College la ioh rah da ka samla Jotina Kleiñ bad ia ka nam Mr Ri-bhoi College la ioh rah da u samla Rishanlangki Lynser.
