spot_img

Pynhap pyrda ka NDCYM ia ka Diocesan Youth Convention ba XV

Date:

Share post:

Nongstoin, K’lyngkot 15 : Ka Nongstoiñ Diocese Catholic Youth Movement myn ha ka sngi u Blei, ka la ïoh ban pynkut noh ïa ka XV Annual Diocesan Youth Covention, kaba la sdang ruh naduh ka 12 tarik u Kyllalyngkot 2024 sngi thohdieng jong ka taïew ba la dep.

Ïa katei ka jingïalang kaba kyrpang jong ki samla balang Katholik jong ka Nongstoiñ Jyllaniam la pynlong ha Mother of Compassion Mawkhlam Parish.

Ha kane ka sngi pynkut ïa ka Convention ha ka por 9:30 mynstep la ïoh ban pyndep ïa ka jingkñia lehniam ïa ka Mass Bakhuid da u Most Rev Wilbert Marweiñ Bishop ka Nongstoiñ bad la ïoh ban sam ruh ïa u Kpu bad ka Waiñ jong ka Sakrament Bakhuid sha kiba ngeit.

Ha ka jingïaseng nohphai sngi pat la ïoh ban pyndep ïa ka Jingmane Sakrament Bakhuid da u Fr. Alfred Lyngdoh Nongbri St.Xavier’s Minor Seminary Upper Shillong.

Ha katei ka sngi la ïadonlang ruh u Rev Fr. Nicholas Maïong MSFS Parish Priest ka Mother of Compassion Parish Mawkhlam, u Fr.Joby Mathew, u Alvin Savio Kharkongor uba la wan na sor Shillong President ka SACYM, ki phadar na nongbah Tura ki sister bad kiwei kiwei.

Katei ka jingïalang ka la neh haduh 3 sngi lynter bad la don ka jingïalehkmen da ki jingpynbyrñia bapher bapher, ka jingaijinghikai lyngba ka Ktien jong U Blei bad ki seminar.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...