Shillong, Lber 08 : Ka Meghalaya Cricket Association (MCA) ka la shim ïa ki rai kiba kongsan, kiba la plie ïa ki lad ban ioh ïalehkai ia ki nongïalehkai ha kylleng ka Jylla haba kular ia ka jingpyndonkam thikna ia ka pisa tyngka ha ka rukom ba tymmai bad ka jingpeitngor ia ki jingtreikam baroh.
Ka Apex Council, bala pyniaid da u President ba thymmai James PS Sangma, kaba jied ban pynduh noh ia ka kyndon buh rta ba 35 snem, kaba la slem bha haba jied ia ki nongialehkai, ka rule kaba khang ia ki nongialehkai cricket kiba shemphang ban mihkhmat ia ka Jylla kampher ia ka jinglah ialehkai bha lane ka jingkhiah krat ka met ka phad.
U James ula pyntip ba ka jingjied ia ki nongialehkai nangne shakhmat yn pynshong nongrim beit na ki jinglah ialehkai bha jong ki, ka jinglehbha bad ka jingkhiah krat.
Ha ka rai ban kyntiew ia ka jingialehkai cricket ha man ki dong jong ki district, ka MCAkala weng noh ruh ia ka jingkhang ban iashimbynta ha ki jingialehkai cricket da ki ball tenis, kaba pynkut ia ka rule kaba pynshitom ia ki nongialam na ka rukom ialehkai bala buh, kaba bun na ki, ki nang ban ialehkai ia kane ka jingialehkai.
“Ki nongialehkam kin ym shah pyrrkhing shuh lane shah pynshitom haba leit iashimbynta ha ki lympung ialehkai cricket da ki ball tenis bad ngim lah satia ban pynduh mynsiem iano iano ban long shibynta jong ka jingialehkai, khamtam namar ka Jylla jong ngi ka dang don ha ka jingialeh ban kiew” batai u James.
U nongalehkai cricket barim ka Jylla bad dkhot ka MCA Mark Ingty ula bynrap ba ka Association ka kwah ban pynshlur ia baroh ki rukom ialehkai cricket (format) kiba iarap ban pynpawnam ia ka cricket, khamtam ha ki district kiba dang duna ki tiar ki tar bad madan ban ialehkai da ki ball snieh.
Ka Association, halor ki jingai jingmut ki dkhot Mebanphira Swer bad Chuba marak, kala rai ruh ban wanrah ia ka Inter-District U-19 Tournament ia ki shynrang bad kynthei, ka ban long mynta ka aiom lehkai ha kylleng ki madan ka ban long da ki zone-wise, ka ban wanrah khamjam ia ka jingiakop lehkai cricket sha ki nongialehkai ba dang khynnah ha kylleng ka Jylla.
U Vice President ka MCA Rajiv Bare hula bynta ba ka jingailad kham bun ka por ialehkai ia ki nongialehkai, khamtam ha ka por ba ki dang khynnah, ka long kongsan bad kum kine ki lympung ialehkai kin ailad ban pynheh pynsan ia ki sap ki phong naduh dang rit.
Ka MCA kala iakren ruh halor ka jingshem na ka internal audit, kaba la pynpaw ia ki katto katne ki jingduna ha ka jingbud ryntih ia ka rukom treikam.
 ka la shim ïa ki rai kiba kongsan, kiba la plie ïa ki lad ban ioh ïalehkai ia ki nongïalehkai ha kylleng ka Jylla haba kular ia ka jingpyndonkam thikna ia ka pisa tyngka ha ka rukom ba tymmai bad ka jingpeitngor ia ki jingtreikam baroh.){kind=link}