Shillong, Jylliew 15: Lai ngut ki samla pule jongka AISPETC ha Meghalaya Administrative Training Institute (MATI), Mawdiangdiang, Meghalaya, kila pyndep ia ka Prelim exam jongka Union Public Service Commission (UPSC).
Kine ki 3 ngut ki samla ki kynthup ia Nidakyrkhu Dkhar, Anmiel Azareel Syiem bad u Thomas Edison Sumer.
U uwei na kine ki 3 ngut uba sah Hostel ula ong ba ka jingkeit klas man la ka sngi bad ka jingleh ia ki Test kala iarap ha ka ban pyndep ia ka eksam.
Ka MATI, ka ai jinghikai ne Coaching ia palat 125 ngut ki samla pule ha kine ki 2 snem kiba la dep.
Ka don ruh ia ka hostel kaba ki khynnah ki lah ban sah haduh 75 ngut bad kine ki samla pule kidei kiba wan na kylleng ki bynta jong ka jylla Meghalaya ban pynkhreh ialade ha kaban iakhun iaka eksam UPSC.
Ki nonghikai na kylleng ki jylla jong ka ri India ki wan ban ai jinghikai ia ki samla pule la ka long online ne offline.
La pynlong ruh ia ki Test man la ka por khnang ba kan iarap ia ki samla pule ba kin nang ban pynkhreh bha ialade bad kane ka jaka ai jinghikai kan iarapruhia ki samla ha ka jingpynkhreh ban ialeh iaka eksam kaba kongsan jong ka UPSC kaban long ha u bnai Nailur mynta u snem.
Ki la don haduh 10 lak ngut ki samla pule na kylleng ki jylla kiba la ialeh iaka eksamin ha kaba tang 14,000 ngut ki samla pule kila lah ban pyndep bad ban ioh ban ialeh iaka eksam kaba kongsan.
, Mawdiangdiang, Meghalaya, kila pyndep ia ka Prelim exam jongka Union Public Service Commission (UPSC).){kind=link}