Agartala, Rymphang 10: Hynriew ngut ki ehrang jong ka National Liberation Front of Tripura (NLFT) kila pyndem wait noh hakhmat jong ki pulit ka Tripura ha ka sngi Thohdieng.
Kine kiba la pyndem wait ki kynthup ia u Jatindra Tripura 36 snem ka rta, u Mokhiram Tripura 36 snem, u Pradip Tripura 27 snem, u Romawia Reang 50 snem ka rta, u Johanjoy Reang 36 snem ka rta bad u Mani Charan Tripura 38 snem ka rta.
Kine ki ehrang kila aiti ia ki artylli ki suloi China, kawei ka Sten Gun kaba la shna hi, 6 tylli ki kuli 70 mm ki bym pat pyndonkam, artllyi ki Grenade China bad kiwei kiwei.
“Ka kynhun jongki 6 ngut kala shah khring bad ioh mynsiem ban iaid noh ha ka lynti jong ka jingsuk bad kane ka kynhun kadei kaba pyntriem ha ki khappud bad ka Ri Bangladesh. Kila rung ha ka kam kaikhlaw hapdeng u snem 2017 bad 2022,” la pynpaw ka kyrwoh khubor na ki pulit.
Kila don 36 ngut ki dkhot jong ka NLFT kiba la wan ban pyndem wait hakhmat jong ki pulit ka Tripura ha kine ki por kiba la dep
 kila pyndem wait noh hakhmat jong ki pulit ka Tripura ha ka sngi Thohdieng.){kind=link}