Gangtok, Rymphang 10: U Myntri Rangbah ka Sikkim u Prem Singh Tamang ha ka sngi Thohdieng ula ong ba ka sorkar kan pynneh ia ka bai bam tymmen kaba rim ka Old Pension Scheme (OPS) na ka bynta ki nongtrei sorkar kiba la shah thungkam ha lane hashwa jongka 1 tarik u Ìaiong 2006.
Ula ong, ia ki nongtrei kiba trei shipor kiba la pyndep 4 snem ia ka jingshakri bad ka sorkar jylla kin sa shah thungkam pura noh.
Ka sorkar kala rai ban pynneh ia ka baibam tymmen kaba rim ban wanrah ia ki nongtrei kiba shah thungkam ha ka ne hashwa jongka 1 tarik u Ìaiong 2006 hapoh ka kyndon jongka Sikkim Services (pension) Rules 1990, kaba treikam na ka bynta ki nongtrei kiba la shah thungkam ha ka lane shwa jongka 31.03.2006.
Ka sorkar kala dep ban pynkylla ia ka jingpynbna kaba hashwa ka jongka, ba ki nongtrei kiba la trei 8 snem ha ka kam shwa ban thungkam pura ia kiba la trei shipor. Katkum ka kyndon kaba thymmai, ka jingshakri ki nongtrei kiba la trei lynter 4 snem ne palat ha ki kyrdan bapher bapher kiba kynthup ia ka muster roll, adhoc bad consolidated pay, mynta kin shah thingkam pura noh.
 na ka bynta ki nongtrei sorkar kiba la shah thungkam ha lane hashwa jongka 1 tarik u Ìaiong 2006.){kind=link}