Shillong, Nohprah 19 : Ka Sorkar Jylla kala pynbujli kam ia ki Ophisar IAS ha Jylla, haba tyngrong shuh shuh ia ki Tnad bad pynkynriah ruh ia ki katto katne ki Ophisar hapdeng ki Tnad bapher bapher bad ki District.
Ka jingpynbna bala pynmih da u Additional Secretary ka Tnad Personnel & AR (A) TG Momin ha ka sngi Thohdieng, u Dr BDR Tiwari, IAS (RR 2006), uba shakri kum u Chief Electoral Officer and Commissioner & Secretary (Election Department), yn treikam ruh kum u Commissioner & Secretary, Border Areas Development Department, naduh ka sngi ba u leit shimti. Kane ka jingthungkam kan treikam haduh da pynmih da kawei pat ka hukum.
Ka Dr. Pooja Pandey, IAS (RR 2008), kaban dang wan phai na ka Central deputation ha ka 31 tarik Nohprah 2025, kala shah thung kum ka Commissioner & Secretary, Home (Police) bad Home (Political) Departments, bad kan shimti noh mardor ia ka kam.
U Bah Garod L.S.N. Dykes, IAS (Non SCS 2011), uba bat mynta kum u Deputy Commissioner ka West Khasi Hills, ula shah pynkynriah sha ka Tnad Home (Police) bad Home (Political) kum u Secretary.
Ka kong Isawanda Laloo, IAS (RR 2013), Secretary, Sports & Youth Affairs Department, kan shakri ruh kum ka Secretary, Personnel & A.R. Department.
U Shivansh Awasthi, IAS (RR 2019), Deputy Commissioner, ka East Jaintia Hills, un leit shimti noh kum u Joint Secretary, ka Chief Minister’s Secretariat.
Ka Hema Nayak, IAS (RR 2020), Deputy Commissioner,ka South West Garo Hills, kan leit shimti kum ka Deputy Commissioner ka West Khasi Hills.
U Saloni Verma, IAS (RR 2021), Deputy Secretary, Food Civil Supplies & Consumer Affairs Department, un shakri ruh kum u Deputy Secretary, Urban Affairs Department, bad Chief Executive Officer ka Shillong Smart City Ltd..
Ka Richa Kulkarni, IAS (RR 2023), kaba dei ka Sub Divisional Officer (Sadar), West Garo Hills, kala shah thung kum ka Sub Divisional Officer (Civil), Dadenggre Civil Sub Division.
U Vevotolu Kezo, IAS (RR 2023), uba bat mynshuwa kum u Sub Divisional Officer (Sadar), West Jaintia Hills, ula shah pynkynriah kum u Sub Divisional Officer (Civil), ka Amlarem Civil Sub Division.
