Shillong, Nohprah 18 : Ka sengkiengatiar bala shah khein be-ain-ka Hynniewtrep National Liberation Council (HNLC) kala pynbthei bomb IED hapoh ka jaka treikam ka Dhar Company kaba don ha Shymplong, kaba hap ha Elaka Narpuh bad ha kane ka jingjia, uwei u briew ula iap.
Ka HNLC kala kynnoh ba kane ka jingpynbthei bomb IED ka dei kaba la thmu ia ki nongkynti jong u Symbud Myntri Rangbah ka Jylla Bah Sniawbhalang Dhar namar ka jingkyntait ban siew ia ka pisa ba dawa ka seng.
Kat kum ka kyrwoh ba phah da u General Secretary ka HNLC Bah Sainkupar Nongtraw, kane ka jingjia kala jia ha ka step 15 tarik Nohprah ha ka por kumba 1 baje mynstep.
Ka HNLC ka kynnoh ruh ba ia kane ka jingjia la pyrshang ban buhrieh na ki lad pathai khubor hynrei tang ki trai shnong ki tip bha ia kaei kaba jia.
U Bah Sainkupar u iathuh ba ka jingbthei bomb ka long kaba la jubor bha ha kaba bun tylli ki kali ka Dhar Company kila julor bad uwei u briew ula iap.
“Ngi kam ia ka jingdonkti halor kane ka jingjia bad ngi kwah ban pynpaw ia ka jingsngewlem naduh ka mynsiem ia ka longiing jong u briew ba iap” ula ong haba bynrap “Ka jingthmu jong ngi kam long ban buh jingma lane pyniap iano iano, la ka dei ki riewlum lane ki bar jylla”.
U Bah Sainkupar ula ong “Ngi la jied kyrpang ia u sohpdung tang ia ka nongkynti jong u Bah Sniawbhalang Dhar (Symbud Myntri Rangbah ka Jylla), ta ka daw ngi la pynbthei ia u bomb ha ka por shiteng miet lane dang step phrngap ban pynthikna ban nym don mano mano ruh ba mynsaw lane duh ka jingim”.
Haba maham ba ka jingsaitlah ia ka HNLC kan lam sha ki jingeh kiba bun , u Bah Sainkupar ula “Bah Sniawbhalang, ka por jong phi kala jan kut. Phi ieng marwei ha ka jingkyntait ban siew, katba kiwei kim shym la artatien ban kohnguh”.
“Kane kam dei ka jingmaham, kane ka por ban kylla. Ka lynti shakhmat ka khang sted. Jied da ka jingstad, hashuwa ba ka histori kan rai ia phi” maham ka HNLC haba maham ruh ia ki riewsain pyrthei ka bri u Hynniewtrep ba kin shim ia kane kum ka jingmaham ba khatduh.
Ka HNLC kala bthah ruh ia ki nongkhaii ba kin iatreilang bad ka HNLC ne mad ia ka jingkut. “Kan ym don jaka riehtngen ia kito kiba ialeh pyrshah” ula pynkut.
 kala kam ba ka pynbthei bomb IED hapoh ka jaka treikam ka Dhar Company kaba don ha Shymplong, kaba hap ha Elaka Narpuh bad ha kane ka jingjia, uwei u briew ula iap.){kind=link}