Shillong, Jylliew 06: U Sub Divisional Officer ka Pynursla Civil Sub Division, ula pynbna ba kan don ka jingkhang biang ia ka jingiaid ki kali hapdeng ka surok Laitlyngkot-Langkyrdem naduh ka 9 tarik Jylliew haduh ka 13 tarik Jylliew.
Kane ka jingkhang ia ka surok kan treikam hynriew kynta ha ka shisngi, bad ki por treikam jong kane ka jingpynjari ka long hapdeng ka por 8 baje mynstep haduh 11 baje mynstep bad 1 baje janmiet haduh 4 baje janmiet.
Ula pyntip ba kane ka jingkhang ia ka surok ka long kaba la leh na ka bynta ban pynthikna ia ka jingiaid beit iaid ryntih ka kam shna surok bad khamtam eh na ka daw ka jingdon jong ki bynta ba syier ha shilynter ka surok kiba donkam ban pynkhuid bad pynbha.
La kyrpad ia ki nongleit nongwan ba kin ai ka jingiatreilang bad ban khreh biang por lypa iala ka jong ka jingleit jingwan ha kitei ki sngi bad ki por bala buh na ka bynta ka jingmyntoi lang jong uba bun bad ka jingpyndep biang por ia ka jingshna surok.
