Shillong, Nohprah 19 : U Myntri Rangbah ka Jylla Conrad K Sangma ha ka sngi Thohdieng, ula pynbna ba ka kynhun Myntri ka Jylla kala ai jingmynjur ia ka Jail Remission polici ba thymmai, kaba iaid kat kum ka jingbthah ba dang shen jong ka Iingkashari Supreme Court-kaba thmu ban pynsuk bad pyniar ia ka kam ban pynlait kloi ia ki koidi na phatok.
Haba iakren bad ki nongthoh khubor hadien ka jingialang ba long ha ka sngi Thohdieng, u Myntri Rangbah ula ong “Ka Kynhun Myntri kala ai jingmynjur ia ka jingpynbna (notification) jong ka Remission Policy, kat kum ka jingbthah jong ka Iingkashari Supreme Court. Baroh ki Jylla ki dang leh ia kane, kaba thmu hi ka long ban pynsuk bad ailad ia u Superintendent of Jail ba um shim rai suo motu lada u lane ka sngew ba dei ban pynduna ia ka por pynsajia ne ban pynlait ia u koidi na phatok”.
Ula bynrap ba kane ka polici ka wanrah ia ka jingkylla kaba aibor ia u Superintendent ki Jail ba kin sdang ia ka jingpynlait ia ki koidi khlem da ap ia ka jingkyrpad da ka jingthoh na ki bahaiing hasem.
“Mynshuwa, ki bahaiing hasem ki hap ban thok shithi bad hadien kane yn sa shong bishar ia ka case. Mynta, u Superintednent ki phatok, dalade, ki lah ban rai ia ki case ba donhok ban pynlait noh na phatok”.
