-->

Pynbna u CM ban sdang pyntreikam noh ka Jylla ia ka IT Policy

Date:

Share post:

Shillong, Aug 25: U Myntri Rangbah ka jylla Conrad K. Sangma hynne ka sngi Thohdieng, ula ong ba ka Sorkar kan sa pyntreikam noh iaka IT Policy ka Jylla ha kine ki khyndiat taiew ban wan haba kyrmen ban lah pynlong iaka Meghalaya kum kawei na ki jaka pdeng ka Information Technology (IT).

“Ngi sngew kmen ba ka Shillong kan sa long kum kawei na ki nongbah ba paw bha haka liang ka IT bad kan dei ruh ka IT Hub bad suki suki ka IT kan sa saphriang sha kiwei ki bynta jong ka jylla Meghalaya” ong u Conrad haka prokram bala pynlong daka 24×7.ai ha Shillong Technology Park.

U Conrad ula ong ba ka long kaba donkam iaka imlang sahlang ban ai nam iaki kam bah ba ki briew ki leh lyngba ka IT bad ka jingdonkam ban pyndonkam iaka IT bad suki suki ka Meghalaya kan sa long napdeng kiwei ki jylla kiban khlain haka bor IT.

“Ka sorkar kan pynthikna ba kan iarap haba iadei bad ka jingdonkam ban tei iaki jingtei naka bynta ban pynkhlain iaka IT hapoh ka jylla” ula ong.

Nalor kane u myntri rangbah ka jylla ula pynbna ba ka Integrated Command Centre ha Shillong kadei ruh kum shi bynta jong ka Smart City project.

“Ka Integrated Command Centre kab don mar pyrshah iaka Shillong Technology Park kan peit thuh iaka jingtreikam ki kor pyniaid kali bad namar kane kumba 300 tylli ki CCTV ha baroh kawei ka nongbah Shillong yn pyndait bad kine ki treikam napoh ka Integrated Command Centre ban peit ruh iaka jinglong jigman ka nongbah” ula ong.

U Conrad ula iathuh ruh baka sorkar ka dang pynkhreh ban pyntreikam iaka Shillong Data Centre daka Optical Fibre naka bynta ban pynkhlain iaka bor internet daka ba tan daki Cable Link na Chittagong Bangladesh lyngba ka nongbah Shillong.

Ula ong ba um kwah ban iohi ba ki BPOs kin treikam tang ban ioh nong ialade shimet hynrei kidei ruh ban iatreilang bad ka sorkar ne bad ki paidbah ka jylla ban kyntiew iaka Meghalaya.

Share post:

-->
spot_img

Popular

More like this
Related

Vinoo Mankad Trophy | Watla ioh hattrick u Mewan, liem ka Meghalaya ha ka Sikkim da 3 wicket

Shillong, Risaw 09: U Mewankitbok Kharpuri u la ioh...

Bate kam u CEM ka KHADC ia ki 7 ngut ki EM 

Shillong, Risaw 09: U CEM ka KHADC Bah Winston...

Thung ka Sorkar ia ka SIT ban tohkit ia ka jingshah pyniap u Khynnah ha Nongrah

Shillong, Risaw 09 : U Symbud Myntri Rangbah ka...

Pynjari ka Meghalaya-Assam da ka korphiw miet ha khappud ka thain Lapangap

Shillong, Risaw 09: Ka Sorkar Meghalaya bad Assam, kila...