Shillong, Naiwieng 28: U Myntri Rangbah ka Jylla Conrad K Sangma ha ka sngi Thohdieng, ula pynbna ba un pyllait noh ia ka instalment ka-ba ar jong ka post metric scholarship lashai ka sngi-ka 29 tarik Naiwieng sha ki samla pule ka Jylla.
Ula pyntip ruh ba kan shimpor kumba 2-3 sngi ha ki sngi long trei ba kane ka pisa kan paw ha ka account jong ki samla pule.
Kat kum ka jingong jong u, palat 70,000 ngut ki samla pule kin ioh ia kane ka scholarship kaba jan kotT.130 klur.
“Kumba la kular sha phi baroh ba mynta u snem, ngan shimkhia ban pynthikna ba ka pisa scholarship la pyllait hasuwa ka Khristmas..kumta ngan leh ia kata” ula ong.
U Myntri Rangbah ula pynpaw ba kane kan iarap bha ia ki samla pule ha kiba bun ki liang haba kitbok kit rwiang ruh ia baroh na ka bynta ka lawei.
