Shillong, Naiwieng 28 : U Myntri ka Tnad Community & Rural Development (C&RD) Bah Sosthenes Sohtun ula ban jur ia ka jingdonkam ban pynjanai ia ka jingai jingshakri jong ki 56 tylli ki Block Development Office (BDO), na ka bynta ban lah pyntreikam bha ia ki skhim bapher bapher ha ki jaka nongkyndong.
“Ngi la iakren ia kiba bu ki kam bad ki lad ki lynti kumno ban pynjanai ia ka jingai jingshakri lyngba ki Block Development Office (BDO) khamtam ha ki jaka nongkyndong” ong u Bah Sohtun hadien ba dep pyniaid ia ka jingialang bishar kam bad ki Ophisar ka Tnad ha ka sngi Thohdieng.
Kane ka jingialang, bala iashimbynta da u Director, Joint Director, Project Director bad BDO na ki 56 tylli ki Block, ka dei kaba la pynlong ha kaban pynthikna ia ka jingpyntreikam thikna ia ki skhim na ka bynta ka roi ka par ki jaka nongkyndong ha baroh ki liang.
“Ka jingbym biang ki lad pyniasoh namar ka jingbym don ki mobile tower kala buh ha ka jingeh ia ki Village Employment Council bad ki Self-Help Group” ong u Bah Sohtun haba bthah ia ki BDO ba kin pynbeit ia kane ka jingeh.
“Ka Sorkar kala kut jingmut hok ban rah shajan ia ka jingai jingshakri sha ki paidbah bad ngi kwah ban pynjanai ia ki jingshakri ki Ophisar na ka bynta ka jingpyntreikam bha ia ki skhim” ula bynrap.
 Bah Sosthenes Sohtun ula ban jur ia ka jingdonkam ban pynjanai ia ka jingai jingshakri jong ki 56 tylli ki Block Development Office (BDO), na ka bynta ban lah pyntreikam bha ia ki skhim bapher bapher ha ki jaka nongkyndong.){kind=link}