Shillong, Nailar 29 : Sa uwei pat u rangbah u la pynkhreh ban mih aireng lang ha kane ka elekshon ban wan na Mawsynram constituency, kaba mihkhmat mynta da u Bah HM Shangpliang kum u MLA.
Utei u rangbah ba tip kyrteng kum u Bah Batskhem Marbaniang hynne ka sngi u la pyntip ba u la resain noh na ka NPP kaba u don baroh shi katta na ka bynta ban pynkhreh pat ialade na bynta u 2023.
Haba kren bad ki lad pathai khubor, u Bah Batskhem u la iathuh ba kum u briew uba la don slem bha ha ka saiñpyrthei bad la dep ruh ban iakhun teng ia ka elekshon MDC u la dep ruh ban ia syllok bad ki nongkyrshan ha shwa ba un shim ia katei ka rai.
Na ka liang jong u, u la iathuh ruh ba haduh mynta um pat rai satia na kano ka party un iakhun hynrei u la shu ai ksai ba kan dei kawei na ki party kaba u paidbah u phaikhmat bha mynta.
