Shillong, Naiwieng 06 : Ki bor District ka East Khasi Hills kila pynbna ban khang shipor ia ka surok ha Upper Shillong namar ka jingot surok najan ka surok Rhododendron Trek bad skul Gorkha.
Kat kum ka jingpyntip u Superintendent of Police ka East Khasi Hills Bah Vivek Syiem, ia kane ka surok yn khang ban iaid kali naduh ka por 11 baje mynmiet jong ka 8 tarik Naiwieng haduh ka por 5 baje mynstep jong ka 9 tarik Naiwieng.
Ha kine ki kynta, ki nongleit jingleit la bthah ba kin iaid na kawei pat ka lynti iaid na Laitkor-Pomlakrai sha 5 mer, Upper Shillong.
Nalor kane, ia kane ka surok yn khang ruh ban iaid ki kali heh ha ka por mynsngi jong ka 9 tarik Naiwieng 2025. Hynrei, tang ia ki kali emergency service yn shah ban iaid lyngba jong ka.
