Shillong, Kyllalyngkot 04: Ka Synjuk ki Rangbah Kur: Ka Bri Hynniewtrep ka pynbna ban pynlong iaka Dorbar ki Rangbah Kur ha ka 7 tarik u Kyllalyngkot, 2025 ha ka Ïing Dorbar, Mission Compound ha ka por 10:00 baje mynstep.
La wer sngewbha ia ki rangbahkur nongialam na baroh ki kur ha ka Bri Hynñiewtrep ban wan shim bynta ha ka dorbar kaba dei ruh ka jingdap San Snem jong ka Synjuk Ki Rangbah Kur: Ka Bri u Hynñiewtrep.
Kat kum ba la lum thup ki don haduh palat san hajar tylli ki kur ki jait ba ym lah ban pyntip kyrpang shimet, kumta la kyrpad ba kane ka long ban wer lang ia baroh ki dkhot rangbah mar lai ngut na ki Seng Kur bad ki kynhun Kur naphang ban ia poi ryntih sha kane ka Dorbar ki Kur ki Jait ban ia wan khnang khnang sha ka dorbar ban iatai halor ka phang ka ba dei ban pynneh pynsah ia ka riti kheiñkur kheiñkha na ka kmie.
Ki kynrem ki lyndan na ka Dorbar Thawaiñ KHADC bad JHADC ha ryngkat bad ki Syiem ki Kmie, ki Lyngdoh jong ki hima, ki Doloi jong ki elaka, ki Sirdar bad Wahadadar jong ki elaka kin ia don ryngkat ha kane ka jingialang bad kan don ruh ka jingiamir jingmut bad ka jingioh ia ki jingkren na ki riewshemphang.
