Shillong, Jymmang 26 : Ka Sorkar Jylla kala pynbna haduh 6 tylli ki jaka kum ki ‘Thymmei’ ne Epicentre jong ka khlam sniang ne African Swine Flu, kaba la wan lynshop mynta ha kylleng ki jaka ka Ri-lum Khasi bad Ri-lum Garo.
Kane ka jingpynbna kala mih na u Secretary ka Tnad Animal Husbandry & Veterinary, hadien ka jingpynthikna kaba la wan na ka jingleh test ia ki snam sniang ha North Eastern Regional Disease Diagnostic Laboratory (NERDDL) Guwahati.
Kat kum ka jingpyntip u Secretary, ka Tnad kala ioh pdiang ia ka kaiphod leh test naka NERDDL naduh ka 10 tarik u Jymmang.
U Pyntip ba ki jaka bala pynbna kum ki ‘Thymmei’ ka khlam sniang ki kynthup ia ka Shnong ba don Gingo pig farm ha West Garo Holls, ka Masighat ha South Garo Hills, ka Syllei U Lar, Madan bad Mawlyngkhung kiba don ha Ri-bhoi District bad ka Tiehsaw kaba don ha Nongstoin.
Ka Tnad Animal Husbandry kala pynmih ruh ia ki jingmaham halor kiei ki kam ba dei ban leh bad kiei ki bym dei ban leh ha kine ki jaka haba pynjari ruh da ka containment zone ha kine ki jaka ban lah tehlakam ia ka jingsaphriang jong kane ka jingpang.
Pule lang ia kane: Tur ki paidbah sha Iing u MLA ka Nongpoh ba un dawa pynthymmai ia ka Reservation Policy
