Tripura: Ai dorkhas ka Tipra Motha sha u Lat, kwah ban treikam ryntih ka TTAADC

Date:

Share post:

Agartala, Jymmang 26: Ka kynhun ka party Tipra Motha bala ialam da u Pradyot Bikram Manikya hynne ka sngi U Blei, kala aiti da ka dorkhas ha u Lat ka Jylla Tripura ba kyntu ba un tuklar lang ha kaban pynthikna ia ka jingtreikam kaba beit ba ryntih jong ka Tripura Tribal Areas Autonomous District Council (TTAADC).

“Mynta ki trai paid riewlum ka Tripura kila shah pynbor ban im ka jingim kum ki nongshongshnong second class hala ka jong ka Ri. Ki trai paid riewlum ki dei ban ioh ia ka hok ban im hapdeng ka burom, ka jingsuk bad jingkiew shaphrang hynrei sngewsih, ka jingphai lyndet jong ki bor Sorkar kala lam sha ka jinglynga pisa jong ki paidbah” ong u Pradyot Bikram Manikya Deb Barma.

Kane ka kynhun ka Tipra Motha kala iashong kyllain mungor shabar ka Raj Bhavan ha Agartala ban pyni ia ka jingpyrshah halor ka jingleh bym suidniew jong ka Ophis u Lat.

Kila pan por iakynduh na u Lat ka Tripura mynta la bun bun bnai hynrei haduh mynta, kim shym la ioh satia ia ka por ban iakynduh bad ban iakren halor ki jingeh bad jingsngewkhia jong ki trai paid riewlum ka Tripura.

“Ka Tripura Tribal Areas Autonomous District Council (TTAADC) kala mad ia ka jingshah leh kmienah ha ka Sorkar Jylla ka Tripura. Ha kine ki arsnem jong ka Sorkar TTAADC, kiba bun ki Bill ba kongsan bala mynjur da ka TTAADC kila shu sahkut ha ka Ophis jong u Lat ban ioh jingmynjur. Napdeng ka song pisa ba T.619.25 klur bala ai sha ka TTAADC ha kane ka snem ba kut ka mang tyngka bala leit, kata 2022-2023, haduh T. 126.59 klur ym pat shym la pyllait satia da ka Sorkar Jylla. Kane kala lam sha ka jingslem ban pyllait ia ka tulop ki nongtrei bad kiwei ki kam pynroi” ong ka dorkhas.

Kala ong ruh ba na ka bynta u snem mang tyngka 2023-2024, ka Sorkar ka dang pyllait tang T. 4.24 klur ka pisa na ka bynta ki kam pynroi.

“Ka elekshon Village Council kaba la dei ban long naduh u Lber 2021, la shu buhteng sah wat hadien ka hukum jong ka Iingkashari High Court ka Tripura. Kane ruh kala ktah jur ia ki kam pynroi ha ki jaka ka TTAADC” kala bynrap.

Share post:

spot_img

Popular

More like this
Related

Police on the hunt to arrest culprits behind murder of 2 persons at Ichamati

SHILLONG, MAR 28: The state police are yet to...

Iohksai ki Pulit ia ki briew ba bomiap ia ki bar Jylla ha Ichamati

Shillong, Lber 28 : Ki Pulit ka East Khasi...

Elekshon Lok Sabha | Rai ka Mawlai Syllaikariah ban ‘boycott’ iaka elekshon

Shillong, Lber 28 : Ka Dorbar Shnong jong ka...

Lok Sabha 2024 | Shong bishar u CS ia ka suk ka sain ha Jylla bad thain khappud

Shillong, Lber 27 : U Chief Secretary ka Jylla...