Shillong, Nailur 26: Ki nongtrei Garo Hills Autonomous District Council (GHADC) ka Non-Gazetted Employees Association (NGEA) ha ka sngi Thohdieng, ka la pynbna ia ka rai ban pynsangeh shipor ia ka jingiakhih kaba la sdang naduh u bnai Naitung 2025.
Ka NGEA kala sdang iakaa jingiakhih nyngkong na Gandhi Park bad kham hadien ka la kynriah noh sha ka jaka jong ka ophis treikam ka GHADC ha kaba ka jingiakhih kala nang jur hadien ka jingwan iasoh daki katto katne ki kynhun sengbhalang ban pynbor iaka District Council ban pyllait iaka tulop jong ki nongtrei kaba la sahteng la palat 43 bnai.
Kane ka rai ban sangeh shipor iaka jingiakhih ka wan hadien ka hukum jong ka High Court ha ka 24 tarik Nailur kaba la bthah ïa u Superintendent of Police (SP) ban pynthikna ba ïa ka jaka treikam jong ka GHADC kadei ban nym dei ka jaka iakhih da ki nongtrei.
Hadien ka hukum jong ka High Court, u SP ka West Garo Hills u la khot ia ka jingialang bad ki nongialam ka GHADC ban wad da kawei pat ka jaka ban pynlong ia ka jingiakhih.
Haba iadei bad kane u president ka NGEA u Brithen M Sangma u la ong “Ngi la don ka jingïalang bad ngi la shim da kawei ka rai ban pynsangeh noh shipor ïa ka jingïakhih bad ngin sdang leit phai biang shala ki kam naduh ka 6 tarik Risaw.”
Haba kylli, Brithen u la pyntip ba ka NGEA kan pdiang ïa ka jingïarap jong ka Sorkar Jylla ban pynkhuid noh iaka tulop na ka bynta 12 bnai.
Naka liang ki nongtrei ki la pynthikna ba kin pynkhuid shwa iaka ophis jong ka GHADC kaba la sah khlem pyndonkam la katto katne bnai hashuwa ban leit trei biang.
 ka Non-Gazetted Employees Association (NGEA) ha ka sngi Thohdieng, ka la pynbna ia ka rai ban pynsangeh shipor ia ka jingiakhih kaba la sdang naduh u bnai Naitung 2025.){kind=link}