Shillong, Risaw 28 : Ka Meghalaya Power Distribution Corporation Limited (MePDCL) kala pynbna ba kan don ka jingpyn lip bording ha kylleng ki jaka ka nongbah Shillong bad ha khapsor ha kine ki khyndiat sngi ban wan. Ia kane la leh namar ka kam maramot ia ka 33/11 Kb Sub Station.
Kane ka jingpynlip bording kan treikam naduh ka por 10 bae mynstep haduh 5 baje janmiet ha ka 28 tarik Risaw, 31 tarik Risaw bad 4 tarik Naiwieng. Hynrei, ia ka bording lah ban pynioh kham kloiia ka por bala buh, kaba shong ha ka jingdep ka kam maramot.
Ka MePDCL kala pynmih ia kane ka jingpynbna ban pyntip ia ki nongshongshnong bad ki nongkhaii ha ki jaka ba shah ktah ba kin pynkhreh ia kiwei pat ki lad ki lynti ha kine ki por pynlip bording.
Ka kam maramot ia ka 33/11 KV Lapalang yn leh ha ka 28 tarik Risaw bad ki jaka kiban shah ktah ha ka jingpynlip bording kin kynthup ia baroh kawei ka shnong Lapalang, Supercare Hospital, Law-U-Sib, Ophis ka Forest & Environent, MTC Workshop, Monitoring Station & Wireless Office, baroh kawei ka Rynjah, Rynjah Police Station, Pohktieh, katto katne ki bynta ka Jelly Shop, Children Hospital, Dumdum, katto katne ki bynta kaNongthymmai Nongshiliang, Umplieng Dongumbah, Umpling Lapalang Dongshaneng, Umpling Parmaw, Umpling Dongsurok, baroh kawei ka Nongrah bad Mawlynrei, katto katne bynta ka Pohkseh bad Lumiablot.
Kumjuh ruh, namar ka kam maramot ia ka 33/11 KV Nongthymmai ha ka 31 tarik Risaw, ka jingpynlip bording kan long ia ki katto katne ki bynta ka Laitumkhrah, katto katne ki bynta ka Nongthymmai, katto katne bynta ka Lawjynriew, katto katne ki bynta ha Nongrim Hills, katto katne ki bynta ka Dhankheti, Cleve Colony, RisaColony, Wahdienglieng, Lumpyngngad, Lumsohphoh, Motinagar, Springside, Golden Estate, katto katne ki bynta ka Nongshilliang, Demthring bad katto katne ki bynta ka Madanrting.
Ha ka 4 tarik Naiwieng, ka kam maramot kan long ia ka 33/11 KV SE Falls Sub Station bad ka jingpynlip bording kan long ha Nongmengsong, katto katne ki bynta ka Golflink, katto katne ki bynta ka Pynthorumkhrah, AIR Quarter I &II, Rebenue Block, katto katne ki bynta ka Pohkseh, Nongrim Road, Nongrim Maw, Lower Nongrim Hills bad ki jaka ba marjan, katto katne bynta ka Laitumkhrah, Nongthymmai Nongshiliang, MES (SE Falls), Goraline, Lumsohra, Arbutnoth Road, Nazareth Hospital, Bhatt Colony, New Colony,R R Colony, Rynjah Society, Umpling Dongsharum, Umpling Lumdiengmet, Umpling Central, Umpling Dongumbah, Rynjah Quarter I&II, IGCRPF 4th Furlong, NEEPCO, 5th Furlong, katto katne bynta ka Bishop Cotton Road, Assam Rifles Signal Unit.
 kala pynbna ba kan don ka jingpyn lip bording ha kylleng ki jaka ka nongbah Shillong bad ha khapsor ha kine ki khyndiat sngi ban wan. Ia kane la leh namar ka kam maramot ia ka 33/11 Kb Sub Station.){kind=link}