Shillong, Risaw 10: Ka Indian Army hynne ka sngi Ba-ar, kala pynbna baka Rally thungkam naka bynta kito ki samla kiba la pass iaka eksamin Common Entrance Examination (CEE) kan long haka 5 bad 6 tarik Niawieng 2023 ha Manekshaw Stadium 58 GTC Happy Valley, Shillong.
Lah ban kdew baka Common Entrance Examination naka bynta ki samla pule ka jylla kala long ha u bnai Iaiong.
Ka kyrwoh naka tnat PRO Ministry of Defence kala kyntu ba ki samla kim dei ban shah ialam bakla ha kiwei kiba kular ban aikam daka ba hap siew namar ka jingshah jied haka kam shipai kadei hi tang lyngba ka jinglah lehbha hi iaka eksamin bad kiwei ki jingdonkam.
Ka tnat PRO ka kyntu ruh iaki samla ba ki dei ban pyntip shaka Headquarters Shillong Police Station lane Army Recruiting Office Shillong lada don kiba kular eiei ia ki samla.
Ka kyrwoh ka kdew ba ki samla kiba la shah jied hynrei kiba khlem pat ioh jingtip lane ioh pdiang iaka Admit Card kidei ban pyntip shaka Army Recruiting Office, Shillong lyngba ka email [email protected] lane ban phone ha u Number 0364-2504177.
La kdew ba tang kiba don iaka Admit Card ki lah ban shim bynta haka Rally.
