Shillong, Risaw 10 : U MP ka Rajya Sabha ka Jylla Dr WR Kharlukhi lem bad ki 26 ngut ki nongleit Pilgrim na Meghalaya sha Israel, kin wan phai suk sha Jylla ha kine ki khyndiat sngi ban wan.
Ia kane la pyntip da u Symbud Myntri Rangbah ka Jylla Bah Sniawbhalang Dhar haba iakren bad ki nongthoh khubor hynne ka sngi Ba-ar.
“Dang mynshisngi, kila jam sha shiliang u pud ka Egypt (namar ka thma Israel bad Palestine). Baroh ki biang lut nadong hadong” ong u Bah Sniawbha.
U pyntip ba u Myntri Rangbah ka Jylla Conrad K Sangma ula shimkhia bha ia kane ka kam bad ula iai buddien khlem sangeh bad ka Sorkar India.
“ Kat kum ka jingong jong u, ki (27 ngut) la jam sha shiliang pud bad kam don jingeh shuh ia ki bad kin sa wan phai noh ha kine ki khyndiat sngi sha Jylla” ula ong.
