Lahore, Jymmang 07 : Ka Pakistan kala pynbna “Emergency” ha ka sngi Balang ha Punjab Province ka Pakistan hadien ka jingther namding ka India.
Ki shipai ka Pakistan kila pyntip ba kumba 26 ngut ki briew kila iap bad 46 ngut kila mynsaw ha ka jinghiar thma ka India tang hadien katto katne minit hadien ka shiteng miet ha Punjah Province bad Pakistan-occupied Kashmir (PoK).
“Ka Myntri Rangbah ka Punjab Province Maryan Nawaz ula pynbna da ka “Emergency” ha baroh kawei ka province” ong ka kyrwoh na ka Sorkar.
Baroh ki bor pahara kynthup ki Punjab Police, kila peitngor bha bad la pynsangeh ruh ia baroh ki shuti jong ki doktor bad ki nogntrei ka koit ka khiah ha Punjab Province.
Ka kyrwoh ka ong ba ia baroh ki nongtrei la bthah ba kin wan trei biang mar dor bad ki bor District ha baroh ki District ka Punjab Province ruh la buh hapdeng ka jingpeitngor kaba khlain.
Baroh ki Ophisar bad ki nongtrei jong ki Tnad bapher bapher kynthup ka Civil Defence la khot ba kin wan sha ki jaka trei.
Ki shipai ka India ha ka step sngi Balang kila ther namding ia khyndai tylli ki ktem jong ki lehnoh ha Pakistan bad ha Pakistan-occupied Kashmir hapoh ka Operation Sindoor kum ka jingpynhiar kput ia ka jinghiar thma ki lehnoh ha Pahalgam myn ha ka 22 tarik Iaiong, kaba shim ia ka jingim ki 22 ngut ki briew.
