Shillong Naitung 14: U Superintendent of Police jong ka East Khasi Hills u Bah Sylvester Nongtnger, ula pyntip ba kan don ka jingpyniaid thymmai ia ki kali ha ka thaiñ Nongrim Hills, Laitumkhrah ba kane kadei tang ka jingpyrshang kaba shipor.
U SP ula pyntip bad a ka jingthmu ban ialeh ban pynbha iaka rukom iaid kali, ka Shillong Traffic Police kan pynkylla iaka rukom iaid kali kaba shipor da kaba pynkylla sha ka ‘One Way’ kaban treikam naduh ka 17 tarik u Naitung haduh ka 21 tarik u Naitung ha Nongrim Hills.
Ki kali kiba wan na Rynjah ban leits ha ka Lad Seventh Day, Laitumkhrah, kin hap ban iaid noh na ka jaka kaba don ka SBI ATM kaban mih sha ophis ka NEC ban mih pat sha ka Lad Nagaland House.
Katba ki kali kiba wan lyngba ka Lad Seventh Day ban leit sha Nongthymmai Nongshilliang kin iaid lyngba ka surok kaba nakhmat jong ka NEC bad ban lad sha kamon jong ka SBI ATM, Nongrim Hills.
Pule ruh: Leit jngoh u CM ia ka thain Khatarshnong ban pynthikna ia ka jingseisoh ki kam pynroi
