Shillong, Naiwieng 02 : U President ka All India Trinamool Congress (AITC) Meghalaya, Bah Charles Pyngrope hynne ka sngi Balang ula pyllait paidbah ia ka music video na ka bynta ka jingialap elekshon jong u kaba la ai kyrteng ‘Wat Nym Ran Dien’.
Haba kren ha ka jingialang kaba long ha Windermere Resort, Umpling, u Bah Charles ula batai ia ka jingdonkam ban wanrah ia kane ka music video ka ban ai mynsiem ia ki samla ka Jylla.
“Ia kane ka music video la pynmih da ka kynhun ki samla ba donkam ban ai mynsiem ia ki samla ba kin wan shakhmat. Lada ki samla ki mih shakhmat, ym don kano kano ruh ka bym lah long” ula ong.
Kiba la donlang ha kane ka sngi ki kynthup ia u Block President ka AITC Nongthymmai Bah Bavan Khyriem, Youth President ka TMC Nongthymmai Allan Victor Lyngdoh bad kiwei kiwei.
