Shillong, Iaiong 24: U kyrtong ka Bharatiya Janata Party (BJP) u ban iakhun ha ka ilekshon shiteng ba pynjlan na Sohiong bah Seraph Eric Kharbuki, hynne ka sngi ula pyllait paidbah iaki mat iakhun ilekshon.
Haba kren sha ki lad pathai khubor u bah Seraph ula ong ba ka jingmih jong u ban iakhun ha kane ka ilekshon na Sohiong kadei namar ba u don ka thong ban wanrah ka jingkylla hapoh ka konstitwensi baroh kawei.
U bah Seraph ula ong ba ha kane ka juk mynta ki paidbah ki donkam iaki nongmihkhmat ban long ki nongthaw ain bad Policy ym tang ki nongmihkhmat kiba bunkam ban sam iaki MLA skhim.
Pule lang ia kane: Dawa ki ADC ia ka Sorkar ban ai jingkhein ba biang thik ba thik halor ka bhah marpoh khyndew
Ula ong ba kum u samla u don ka jingthrang ban wanrah daka Degree College ha Lum Diengiei bad ka Eklavya Residential School hapoh ka konstitwensi naka bynta ban kyntiew iaka Pule puthi.
“Kum u samla nga kwah ban wanrah ruh iaka ophis Agriculture bad Horticulture, ka state bank of India bad ka Apex bank ha Lum Diengiei, ban kyntiew iaka kam jngohkai pyrthei bad ka jingialehkai hapoh ka konstitwensi daka ba tei 2 tylli ki mini stadium” la ong u samla Seraph.
U samla Seraph ula ong ruh ba kala donkam ban pynlong ain noh ban mang tyngka lyngba ka Corpus Fund sha baroh ki Dorbar Shnong naka bynta ban pyntrei iaki kam pynroi ha man ki shnong ki thaw.
Shuh shuh ula ong ba kum u samla lada u jop ha kane ka ilekshon, u don ka thong ban kyntiew iaki longing baduk lyngba ki skhim sorkar pdeng bad ha ka juh ka por un wanrah daki Street Lights ha baroh kawei ka konstitwensi.
Pule lang ia kane: Rai lang ki District Council ka Jylla ban pyrshah ia ka jingtreikam ka UCC ha Jylla
