Shillong, Iaiong 24: U kyrtong ka Trinamool Congress (TMC) na Sohiong konstiwensi bah Stoding Thabah hynne ka sngi ula pynrem jur ia u kyrtong ka National People’s Party (NPP) bah Samlin Malniang halor ka jingkynnoh ba u kren tohmet ia ki Nongialam Niam.
Lah ban kdew ba ha kine ki sngi, ka video ka la saphriang ha ki rynsan Social Media ba u kyrtong ka NPP bah Samlin Malniang ula kren tohmet iaki nongialam niam, da kaba ong ba ki long tang ki nongbatai ym ki nongleh.
Halor kane, u bah Stoding ula ong ba kum ka party kam sngewiahap ia kane ka jingkren une u kyrtong ka NPP ia ki nongialam niam.
U bah Stoding ula kynnoh ruh ba u kyrtong ka NPP bah Samlin Malniang ula kam ba ki nongialam niam, haba sma bang ki jyntah ki klet noh ban duwai bad dei namar kane kidei tang ki nongbatai ym ki nongleh.
Shuh shuh ula ong ba haba ialap elekshon, ka ju don ka jingiatyngkhuh bad ki nongialam niam, ki Balang bad ki seng hima sima hynrei kam iahap satia ban shu kren tohmet noh ia ki nongialam niam.
Nalor kane u kyrtong ka TMC u bah Stoding Thabah u la ong ba ka la donkam ka jingkylla bad u don ka jingkyrmen ba ki paidbah ka Sohiong kidei kiba stad bad shemphang ban jied iaka TMC ha kane ka ilekshon.
Pule lang ia kane: Kyrshan ka TGCSU ia ka jingdawa ka ACHIK ban pyntreikam ia ka Roster naduh 1972
