Tura, Jylliew 03 : U Myntri Rangbah ka Jylla Conrad K Sangma hynne ka sngi Saitjain, ula pyllait paidbah ia 10 tylli ki kali PRIME Agriculture Response Vehicle (ARV), ki ban iarap ia ki Nongrep bad ki seng Nongrep ha Ri-lum Garo ha kaban kyntiew ia ka rep ka riang bad ka ioh ka kot jong ki.
Ia kine ki kali la pyllait paidbah ha ka jingialang bala pynlong ha madan ka skul Matchokolgre LP, New Tura, West Garo Hills ha ka jingiadon ryngkat ka Myntri kam rep ka Jylla Kong Ampareen Lyngdoh.
Ha kane ka jingialang, u Conrad ula sam ruh ia shibun ki song jingiarap kiba iadei bad ka kam rep kam riang bad ki kam iada ia ki khlaw ki btap hapoh ka thain Ri-lum Garo. Nalor kane, la pynkup burom ruh ia ki samla kiba wan shakhmat eh ha ka jingialeh eksam HSSLC bad SSLC kiba dei na Ri-lum Garo.
U Myntri Rangbah ula sam haduh 59.4 lak tylli ki seed ball sha ki 297 tylli ki skul ka Ri-lum Garo, 3.6 million seed ball yn sa sam ha kylleng ki jaka ka Jylla. Ka jingthmu jong kane ka long ban pynsngewthuh ia ki Khynnah skul ba kin don ia ka jingbahkhlieh ban sumar bad iada ia ka mariang bad ban ialeh ha kaban pynjyrngam pat ia ka Jylla.
U Myntri Rangbah ula sam ruh ia ka song pisa ba kot haduh T. 3.02 klur hapoh ka Green Meghalaya Initiative bala tip ruh kum ka Payment for Ecosystem Services (PES) scheme sha ki nongioh jingmyntoi. Kane ka song pisa ka dei ka jingai jingiarap ka Sorkar sha ki Shnong ki thaw kiba pyrshang ban pynneh pynsah ia ki khlaw ki btap.
Kum shibynta jong ka Mission Life campaign jong ka Sorkar India, u Myntri Rangbah ka Jylla bad ka Myntri kam rep, kila iashimbynta ha ka jingiathung dieng ha kane ka prokram.
Ka Meghalaya kala buh ia ka thong ban thung haduh 5 lak tynrai ki dieng haduh ka sngi ba rakhe ia ka World Environment Day ne ka sngi iada ia ka mariang. Ka West Garo marwei, ka don jingthmu ban thung haduh 75,000 tynrai ki dieng.
, ki ban iarap ia ki Nongrep bad ki seng Nongrep ha Ri-lum Garo ha kaban kyntiew ia ka rep ka riang bad ka ioh ka kot jong ki.){kind=link}