Shillong, Nailur 13: U chief executive member (CEM) ka Khasi Hills Autonomous District Council (KHADC) u bah Pyniaid Sing Syiem hynne ka sngi ula pyllait paidbah ia kawei ka kali kit nuit bala thied na ka skhim Chief Minister Special Development Fund (CMSDF), ka ban kit ia ki niut ki nier bad ki jaboh jong ka Iewduh.
Ia kane ka kali la pyllait haka jingdonlang u Executive Member (EM) ba khmih iaka Health and Sanitation bah Victor Ranee, u Syiem ka Hima Mylliem Paiem Ainam Manik Syiem, ki nongshong iew bad ki nongtrei ka Hima bad District Council.
Haba kren ha jane ka sngi u CEM ula ong ba ka daw baka Hima Mylliem ka ioh kali kit nuit ka dei hadien baka EC kala shim khia ban wanrah iaka khuid ka suba hapoh Iewduh.
U bah Pyniaid ula ong baka district council ka sngewkhia haba iadei bad ka jingshngain jong ki nongshong die bad ki nongwan iew bad ka khuid ka suba hapoh Iewduh.
“Haka jingwan jurip iaka Iewduh, la shem baka Hima Mylliem ka don tang 2 tylli ki kali kit Nuit bad naka liang ka EC namar ka jingsngew khia halor ka khuid ka suba, kala iakren bad u Myntri Rangbah ka jylla ban ioh skhim lyngba ka CMSDF bad u Myntri Rangbah ruh ula pyllait pisa ban thied ia kane ka Trok kit nuit khlem ka jingpynslem” ong u bah Pyniaid.
U Paiem Ainam Manik Syiem ula ong ba ka jingioh kali thymmai ban pyndonkam ki nongshong die jingdie ha Iewduh ka la urlong namar ka jingtrei shitom u CEM ka KHADC ban pynioh skhim lyngba ka Chief Minister Special Development Fund (CMSDF).
 ka Khasi Hills Autonomous District Council (KHADC) u bah Pyniaid Sing Syiem hynne ka sngi ula pyllait paidbah ia kawei ka kali kit nuit bala thied na ka skhim Chief Minister Special Development Fund (CMSDF), ka ban kit ia ki niut ki nier bad ki jaboh jong ka Iewduh.){kind=link}