Shillong, K’lyngkot 15: Ka Office u Principal Accountant General (A&E), Meghalaya ha ka sngi Palei kala sdang ia ka Online Pension Application Module, ka kor Digital kaba la pyniasoh bad ka e-Pension portal kaba la don lypa.
Ia kane la plie da u L. Hangsing, Principal Accountant General (A&E), Meghalaya, ha ka jingdon ryngkat u Swapnil Tembe, Secretary (Finance–Pension), B. L. Nonglait, Director of Accounts & Treasuries, Benos Lyngskor, Scientist (F), NIC, Shillong bad kiwei kiwei ki heh ki hain.
Haba kren ha ka jingialang u L. Hangsing ula pynshai ba ka jingsdang ia ka Online Pension Application Module kadei u mawmer jong ka jingwanrah ia ka jingkylla lyngba ka juk digital ha ka jingiaid lynti ban pyniaid ia ki kam jong ka jingai ia ka pension ne bai bam tymmen.
Ula ong, ba kane ka sienjam kan kyntiew ia ka jingkhuid jingsuba ha ka jingai jingshakri, ban pynduna ia ka jingtreikam da ki kot ki sla, ban pynduna ia ka jingpynslem bad ban ai ka lad ban sngewthuh ia ki nongaplai ia ka pension.
U Swapnil Tembe ula iaroh ia kane ka sienjam bad pynthikna ia ka jingai ka jingkyrshan kaba pura na ka sorkar Meghalaya ban pyntreikam bha ia ka.
Kane ka Online Pension Application Module ka ailad ia ki nongtrei ka sorkar jylla, ki ophisar All India Service (AIS) bad ki bahaiing bahasem jong kito kiba la khlad noh ban aiti ia ki aplikeshon jongka Pension ha kano kano ka por bad na kano kano ka jaka lyngba ka rynsan kaba shngain bad kaba iadei bad baroh..
Ki bynta kiba kongsan jong kane ka rukom treikam kan kynthup ia ka jingaiti online ia ki phom Pension, ban phah ia ki kot ki sla, ban tip ia ka jinglong jingman jong ka jingaplai bad ban pynkloi ia ki kam ki jam kiba iadei bad ka Pension.
, Meghalaya ha ka sngi Palei kala sdang ia ka Online Pension Application Module, ka kor Digital kaba la pyniasoh bad ka e-Pension portal kaba la don lypa.){kind=link}