Tura, K’lyngkot 20 : Ka Meghalaya hynne ka sngi Saitjain, kala pyllait paidbah iala ka jong ka jingrwai State Anthem ha Tura, kaba la urlong hadien 52 snem ba ioh iala ka jong ka Jylla.
Ia kane ka Anthem la thaw da u (L) Neil Nongkynrih bad ka Shillong Chamber Choir bad la bynrap ia ki jingtem nala tynrai da ka kynhun Summersaulth bad Nokpante.
Ia ki kyntien ha ka ktien Khasi la thoh da u Myntri Sorkar Bah Paul Lyngdoh, u Bah Kit Shangpliang, Nongrwai ka Summersaulth bad ki Dkhot jong ka Shillong Chamber Choir.
Ka Iris Watre kala thoh ia ki kyntien ha ka ktien Garo bad ia ki kyntien ha ka ktien phaeng la synniang da u (L) Neil Nongkynrih, Paul Lyngdoh, Chamber Choir bad ki Ophisar ka Tnad Arts & Culture.
Ia kane ka Anthem la pyllait lyngba ka kor online da u Lat ka Jylla Phagu Chauhan ha ka jingiadon ryngkat u Myntri Rangbah ka Jylla Conrad K Sangma, ka MP ka Tura Agatha Sangma, Myntri Sorkar Ampareen Lyngdoh, u Chief Secretary Bah DP Wahlang bad ki Ophisar ka Tnad Arts & Culture.
