Shillong, Nohprah 05: Ki nong shong shnong ka Golf-Link hynne ka sngi kila ioh ban pyllait im iaka dkhoh (Owl) kaba la sahkut ha ki ksai jong ka kot kudi halor jong uwei u dieng kseh.
La iathuh ba kane ka sim kala sahkut kumba 4 sngi eiei ha une u dieng namar ka jingsahkut lang bad u ksai kot kudi.
Namar ka jingjrong palat u dieng, ki trai shnong kila ialeh katba lah ban pyllait ia kane ka sim bad namar ka jingdon uwei samla ba tbit ban kiew dieng, la ioh ban pyllait noh ia kane ka sim naka jingshah teh ha u ksai ka kot kudi.
La shem ba kane ka sim kala don ka jingmynsaw naki bynta ka thapniang bad la aiti noh sha ki nongpeit ka tnat Wildlife ban ai jingsumar.
La iathuh ba naka liang ki nongpeit ka tnat Wildlife kin lsa eh iaka ba donkam hashuwa ban pyllait noh ia kane ka sim.
