Jowai, Lber 28: Ki doktor ka Dr. Norman Tunnel Hospital, Jowai ki la lah ban sei ia u push pin (pin ba wah kot) na u pipe lyer sha u tor (bronchus) ka liang ka mon jong u khynnah ba dang 13 snem ka rta.
Kane ka surgery kala neh kumba arkynta eiei bad la leh ia ka da ka kynhun ki doktor ka Hospital ban pyllait im ia une u khynnah.
Une u Khynnah ba na ka Shnong Wahiajer, kaba hap hapoh ka Thadlaskein Block, West Jaintia Hills, ula kum nguid bakla ia une u push pin, uba la rung sha u pipe lyer sha ki tor, kaba buh ha ka jingma ia ka jingim jong une u khynnah.
Ka Kmie une u Khynnah ka pyntip ba ka la leit ialam ia une u Khun sha kylleng ki jaka sumar bad ki hospital hynrei ym shym la don ba lah ban leh eiei tad haduh ba kin da poi ha Dr Norman Tunnel Hospital, Jowai.
Ki Doktor ki pyntip ba nyngkong eh ki don hapdeng ka jingartatien ban leh ia ka surgery bad kyntu ia ka Kmie ba kan ialam iala u khun sha Shillong ia kaba kala kyntait namar ka por kala slem palat.
Ki Doktor kila iashong jingialang ban iakren ia kane ka kam bad hadien kila rai ban leh ia ka surgery, kaba la pyllait im ia une u Khynnah.
Ia kane ka surgery la leh ha ka 25 tarik mynta u bnai bad ia une u khynnah la pyllait ban leit phai noh sha la iing ha ka 27 tarik Lber.
 na u pipe lyer sha u tor (bronchus) ka liang ka mon jong u khynnah ba dang 13 snem ka rta.){kind=link}