Shillong, Naitung 4: Ka long shisha ka jingjop ba khraw na ka bynta ki paid nongrep jong ka South West Garo Hills district, ha kaba 10 matric ton u sohmarit la lah ban pynpoi sha Mumbai na Chapahati Prime Hub lyngba ka Kerupara bad Dingampara Integrated Village Cooperative Societies (IVCS) kaba hap hapoh ka Zikzak block, ha ka janmiet sngi Palei.
Da ka jingkyrshan jong ka M-LAMP, Meghalaya Basin Development Authority (MBMA), Kerupara IVCS bad Dingampara IVCS bad lyngba ka jingtrei shitom ka jong ki la lah ban lum haduh 10 MT u Sohmarit na ki nongrep bad la phah sha Sundardas Ratansey Spice Pvt Ltd, Mumbai.
Kane kadei ka sien kaba ar ia kaba la lah ban pynpoi ia u Sohmarit ba mih na kane ka District bad kaba nyngkong eh kadei ha u snem 2023, ha kaba ka Dimiligre IVCS Ltd. Kaba hap hapoh ka Zikzak block ka la lah ban pynpoi kumba 11 tons u Sohmarit sha Mumbai lyngba ka jingtrei shitom jong ki dkhot ka IVCS, ki nongrep bad ka MBMA.
Na ka bynta ka jingpynpoi, na ka 10 ton ka Kerupara IVCS kala ioh lum haduh 6600 kilo u Sohmarit ha ka dor 640/- shi kilo, katba ka Dingampara IVCS kala ioh lum kumba 3400 kilo ha ka dor ba kam rit kata 610/- shi kilo namar ka jingkham hiar jong u mar kat kum ka jingpeit bniah ia u mar.
Ka jinglah ban pynpoi ia u Sohmarit ha ka sngi Palei kadei ruh da ka jingiatrei lang ryngkat bad u Deputy Commissioner ka District u Hema Nayak, ia kaba la pynsuk ia ka jingtrei kam ban pynpoi ia une u mar, ka kynhun ki nongrep ka
Am’beng Farmers & Producers Association jong ka South West Garo Hills, kaba dei ka kynhun ba kongsan ban lum ban lang ia ki nongrep bad ruh ban pyniaid iew, ka MBMA, u Bravantyo K Marak, kiba la shim ia ka jingkit khlieh ban pyniadei bad ki nongthied.
Katkum u DPM, MBMA, u Grikseng Ch.Marak, u Satish Dharamsey Pallicha bad u Kalind Satish Pallicha, Directors jong ka Sundardas Ratansey Spice Pvt Ltd, Mumbai, kila pyntikna ba u Sohmarit na South West Garo Hills un shimti da ka spice Everest Masala & Everest Food Products, kadei kaba la bna nam bha kaba pynmih bad ruh ban shalan ha ka kyrteng jong Everest.
 kaba hap hapoh ka Zikzak block, ha ka janmiet sngi Palei.){kind=link}