Shillong, Iaiong 03: Kum shi bynta ban rakhe iaka Diamond Jubilee jong ka Central Bureau of Investigation (CBI), u Myntri Rangbah Duh ka Ri Narendra Modi hynne ka sngi, ula plie iaka ophis treikam jong ka CBI ha nongbah Shillong lem bad ha Pune bad Nagpur lyngba ka Online bala pynlong ha Vigyan Bhawan, New Delhi.
Lah ban kdew ba ka Meghalaya ka don iaka ophis CBI hynrei kam don pat ia ka jaka treikam ba paka bad iaka ophis la shu pyndonkam ha kawei ka ophis ka ba shu shim wai ha Oakland ​​Shillong.
Mynta ka kynti ka CBI Shillong kan sdang treikam noh naka ophis lajong kaba don ha Mawdiangdiang.
