Shillong, Nohprah 07 : U MLA ka Amlarem bad Myntri kam Pohiing ma Lahkmen Rymbui hynne ka sngi Balang, ula plie paidbah ia ka Water Supply Scheme jong ka shnong Mupyut, West Jaintia Hills kaba la pyntrei na ka skhim JJM.
Kane ka skhim sam um ka pynpoi umbam umdih sha ki 417 tylli ki thliew Iing jong kane ka Shnong.
Ia kane ka skhim la tei ha ka jinglut ba kot T. 7,46,19,600 bad la plie ia ka ha ka jingiadon ryngkat jong I Kong R.Kynjing Executive Engineer PHE, Bah Lamdibok Sumer MDC barim ka War East nalor kiwei kiwei.
U Ma Lahkmen haba kren ha ka jingialang ula ong ba ia u maw nongrim jong kane ka project la buh ha u snem bala lah ha ryngkat bad ka Iingskul jong ka skul LP kaba la mang haduh T. 37 lak.
Une u Myntri ula kyntu ia ki Nongshongshnong ba kin sumar ia ki jingtei kiba wan ha ka Iing kum la ki jong khnang ba baroh ki Nongshongshnong kin ioh ia ki jingmyntoi.
U Myntri ula aiti ruh ia ki work order sha ka skul Good Shepherd English School ka Mupyut kaba kot T 8 lak, ka Madan Tyrpaid RC School ba T. 4lak bad ka Mupyut UP School ba T. 7 lak.
