Shillong, Naitung 17: U Myntri ka Sorkar Jylla bad MLA ka Shillong South Bah Sanbor Shullai, hynnin ka sngi ula plie paidbah ia ka Municipal Organic Market cum- Dorbar Hall jong ka Dorbar Shnong Lumshatsngi-Kench’s Trace kaba la pyntrei n aka 13th Finance Commission ha ka jinglut jingsep ba kot T. 4.42 klur.
U Bah Sanbor haba ai jingkren ula kyntu ia ki Nongshongshnong ba kin pynkhlain ia ka mynsiem ban ieid mar kylliang, ban burom ia ki jait niam, jingiapher jaidbynriew bad kiwei kiwei.
Ki Nongkren ha kane ka sngi, kila ai ka jingiaroh ia u MLA uba la wanrah ia shibun ki kam pynroi hapoh ka Dorbar Shnong Lymshatsngi-Kench’s Trace khamtam ha South Shilong Constituency baroh kawei.
La pyniphuh iphieng ia kane ka sngi da ki jingshad nala tynrai jong ka kynhun Lawei Baphyrnai Khasi Traditional Dance Group ka Ri Raid Laban bad kiwei kiwei.
Kiba la iadonlang ki kynthup ia ki Ophisar na ka Tnad Pynroi Sor, ka Shillong Municipal Board, ka KHADC, ka Ophis u Syiem Mylliem, ki Nongkitkam ka Raid Laban Dorbar bad kiwei kiwei.
