Shillong, Naitung 17 : Ka Director ka North Eastern Institute of Ayurveda & Homoeopathy (NEIAH) Dr Neeta Maheshekhar, kala pynpaw ba ka Jylla Meghalaya ka don ia ki lad ka lynti ba kan kylla long ka jaka kaba khring ia ki nongpang na kylleng sawdong kiba wad ia ki jingsumar ba paka.
Kane ka Hehduh ka NEIAH kala iakren ruh ia kane ka kam bad u Myntri Rangbah ka Jylla Conrad Kongkal Sangma haba pyntip ba kala buh ruh ia ka jingkyntu ha khmat ka Ministry of AYUSH ba kan iashimlang ia ka sienjam ha kane ka bynta.
Ka Dr Maheshekhar ka la pyntip ba kala buh ka jingkyrpad hakhmat ka Sorkar Jylla ban ai lem ia katto katne ka jaka ha Umiam khnang ban ioh shna ia ki Iingrit, ia kiba yn pyndonkam ha kaban pynsah ia ki Nongwan shim dawai Ayurvedic kiba wan nabar ka Jylla ba kin iohi ruh ia ka jingitynnad ka mariang.
Nalor kane, ka Dr Neeta kala pyntip ruh ba lyngba ka Ministry of AUSH, kala don ka jingpyrshang ban ai rynsan lem ia ki Nongsumar kynbat jong ka Jylla ha kine ki Iingrit khnang ba ki rukom sumar dawai kynbat jong ki, kan iarap ia ka Meghalaya ban long kawei pat ka jaka ba khring ia ki nongpang ba wad ia ki jingsumar.
