spot_img

Kyntu ka KHNAM ia ka Sorkar ban buh da ki kyndon ban ioh kamai ki thuk thuk

Date:

Share post:

Shillong, Naitung 17: Ka Khun Hynniewtrep National Awakening Movement (KHNAM) hynne ka sngi U Blei, kala kyntu ia ka Sorkar Jylla ban wanrah noh da ki kyndon ha kaban pynkamai biang ia ki thuk thuk Rapido, kaba la iarap shikatdei eh ia ka jingbym iohkam iohjam ki samla ka Jylla.

Kane ka jingkyntu kala mih hadien ba ka Tnad Transport dang shen kala khang noh ia ka jingkamai ki thuk thuk Rapido hapoh ka Jylla.

Ha ka kyrwoh, u President ka KHNAM Youth Wing Bah Thomas Passah ula ong ba ka jingkhang ia ka jingkamai ki thuk thuk Rapido lada pynshong nongrim kat kum ka kyndon 66 sub section 1 jong ka MV Act, 1988, kala aikam aijam bha ia ki samla ka Jylla, kata ruh ha ka por ba ka Jylla ka dang iakhun ia ka jingeh ha ka jingbym iohkam iohjam bad jinghiran ka pyrthei.

“Namar kata, ngi kyntu ia ka Sorkar Jylla ym ba kan shu bud pyrrkhing ia ka MVAct hynrei ban shim jingkhein ruh ia ka Article 41 Part IV bad ban thaw ia ki Policy/Rules/ Guidelines, ia ki thuk thuk Rapido khnang ba ki samla ka Jylla kin ioh ban kamai dalade” ula ong.

Kat kum ka jingong jong u, kiba bun ki Jylla hapoh ka Ri kila don ia ki rule/guideline/policy ia ki thuk thuk Rapido hynrei balei ka Jylla Meghalaya kam lah ban leh lang ia kane.

Haba pynpaw ba u Myntri Rangbah ka Jylla manla ka por u ju pynshlur ia ki samla ban ieng hala ki kjat, u Bah Passah ula ong “Hynrei ha kum kane ka por, lada ym lah ban wanrah ia ki policy ia ki thuk thuk Rapido, kane kan mut ba ka Sorkar kam don jingthmu shisha ban kyntiew ia ki samla khlem kam ka Jylla”.

Haba kubur ba ka ain ruh ka ieng ha kawei ka liang, une u Nongialam ka KHNAM ula ong ba ha kawei pat ka bynta la iohi ba nyngkong eh, ki thuk thuk Rapido ki kham tad ban ia ki taxi ne ki auto bad ki lah bna iaid wat na ki jaka ba khim ha ki surok kiba dheng kali.

Kaba ar, ki Rapido kila pyllait ia ki paidbah ban sei iala ki jong ki kali ba kin iaid na ki surok kiba khapngiah bad kaba lai, ki iarap ruh ia ki paidbah kiba donkam kyrkieh ban poi sha kano kano ka jaka wat ki samla pule ruh kiba ioh jingmyntoi bha.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img