Shillong, Nohprah 09 : U Myntri ka tnad pynroi nongkyndong, Bah Hamletson Dohling hynne ka sngi thohdieng, u la plie ia ka Cultural cum Community Hall ka shnong Mylliem Syllaiulor.
Ia kane ka hall la mang na ka District Mineral Fund (DMF) scheme ha ka jingmang tyngka ba T. 30 lakh, 65 hajar.
U Bah Hamlet uba dei ruh u MLA ka thain, u la sam ruh ha kane ka sngi ia ki shuki sha u Rangbah Shnong ban pyndonkam ia ki ha kano kano ka jingdonkam hapoh ka shnong ka thaw.
Kiba la iadonlang ha kane ka jingialang ki kynthup ia u bah PT Passah, Project Director, DRDA, u Myntri ka Hima Mylliem M B Kharlukhi, u Rangbah Shnong, ki dkhot ka Dorbar Shnong lem bad kiwei kiwei.
