spot_img

Plie u Lat ka Jylla ïa ka ïing skul bad college jong ka Kanchi Kamakoti, Mawbah

Date:

Share post:

Shillong, Jylliew 28 : U Lat ka Jylla, u Satya Pal Malik ha ka sngi Ba-ar u la plie paidbah ïa ka ïing skul bad college jong ka Kanchi Kamakoti Vidya Bharati Vidyalaya kaba don Mawbah, Barapathar, Shillong.

Haba kren ha ka jingïalang hadien ba la dep ban plie ïa katei ka ïing skul, u Lat u la ong ba ka pule puthi kam dei satia ka bynta kaba kongsan tam ha India. Da kaba kam ba tang 6 persen na ka mang tyngka la pyndonkam na ka bynta ka pule puthi, u Lat u ong ba kane kadei ka dawbah kaba ki skulbah ha USA bad UK ki don da ki spah tylli ki Nobel Peace Prize katba ka India pat ka don tang 12 tylli.

Da kaba ïaroh ïa ka Kanchi Kamakoti Shankara Health, Education and Charitable Trust kaba la maitphang na ka bynta ban kyntiew ïa ka pule puthi, u Lat u ong ruh ba ka jingbym kiew ka pule puthi ha ka jylla kadei beit namar ym shym la shim ïaka kum ka bynta kaba kongsan.

Ïa katei ka ïing skul ba thymmai la tei ha ka jaka kaba la ai sngewbha da ka ïing jong ki Goenka, Shillong bad ka jingai jinghikai ka la sdang haduh klas 10 naduh u snem 2004.

Ha kane ka sngi na ka liang u MLA ka thaiñ, Bah Mohendro Rapsang lyngba u hynmen jong u, u Bah R Rapsang ki la noh synñiang 15 lak tyngka na ka bynta ban pynbit pynbiang ïa ki jingduna jong katei ka ïing skul ba thymmai. Ha kane kajuh ka sngi, u Pralad Toor u la aiti ruh ïa ka kot jaka kaba 30 bigha na ka bynta ban tei ïa ka skul ha Nongpoh.

Ha kane ka sngi la ïoh ruh ïa ka jingkren na u Nalin Mehta, Director NEIGRIHMS bad ruh na ka Editor jongka Shillong Times, Kong Patricia Mukhim nalor kiwei kiwei.

Share post:

spot_img
spot_img

Popular

More like this
Related

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...

Bei ka World Bank palat T.11 lak tam ban tei NRM Library ha Nongshillong

Nongstoiñ, Jylliew 20: U Piyush Dogra u stad mariang...

NPP lost Lok Sabha polls in Meghalaya due to State reservation policy, not BJP: MP Kharlukhi

Shillong, June 20: Lone Rajya Sabha MP Dr WR...
spot_img