Plie u DyPM ka Thailand ia ka North East India Festival ba-ar ha Bangkok

Date:

Share post:

Bangkok, Naitung 30: U Symbud Myntri Rangbah Duh ka Thailand uba khmih ruh ia ka Tnad Commerce, H.E Jurin Laksanawisit, hynne ka sngi saitjain ula plie ia ka North East India Festival kaba ar- ba la pynlong ha Bangkok ha ba ban jur ia ka jingdonkam ban pynkhlain ia ka kam khaii pateng, ka kam jngohkai pyrthei bad ka jingiatreilang hapdeng ki nongshongshnong.

Ia kane ka tamasa la pynlong ha Centara Grand Hotel bad la iawan shimbynta da ki Nongthaw Ain ka Thailand, ki nongseng karkhana bad ki nongsengkam kiba na Thailand bad na ki Jylla ka Thain Shatei Lam Mihngi ka Ri India.

Kiwei kiba la iadonlang ha kane ka sngi ki kynthup ia u Myntri Rangbah ka Jylla Meghalaya Conrad Kongal Sangma, u Myntri Rangbah ka Nagaland u Neiphu Rio, Symbud Myntri Rangbah ka Arunachal Pradesh Chawna Mein, u Myntri Khynnah ka Sorkar India ba khmih ia ki kam bar ri u Dr RK Rajan bad kiwei kiwei.

Haba kren ha ka jingialang, u Symbud Myntri Rangbah ka Thailand ula ai ka jingiaroh ia ka Sorkar India ba kala pynlong ia ka North East India Festival kaba ar ha Bangkok ha ka jingrakhe ia ka jingdak 50 snem ka jingiadei jong ka ri India bad ka Thailand.

Une u Nongialam ka Ri Thailand ula kdew ruh ia ka jingiadei hapdeng ka Ri Thailand bad ka Ri India bad ka jingiadei jong kane ka Ri jong ka dewbah South East Asia bad ki Jylla jong ka Thain Shatei Lam Mihngi ka Ri. U la ong ba kane ka tamasa jong ka thain Shatei Lam Mihngi ka Ri India kan iarap ban nang pynkhlain ia ka kam khaii pateng, ka kam jngohkai bad ka jingiadei hapdeng ki briew jong kine ki artylli ki thain.

U Symbud Myntri Rangbah ka Arunachal Pradesh u Chawna Mein ula kren halor ka Tai Connect jong ka Thailand bad ki Jylla ka thain Shatei Lam Mihngi haba kdew ruh ia ka jingia syriem ki tamasa, ka rukom bam bad ka dustur. Ula kren ruh halor ka jingkynshew kam bad ka jingriewspah jong ka Jylla Arunachal Pradesh ha ki kam jngohkai.

U Myntri Rangbah ka Jylla Meghalaya Conrad Kongkal Sangma ula kren halor ka histori jong ka thain Shatei Lam Mihngi bad ka Thailand bad ong ba kane ka tamasa ka dei ka jingsdang bad ba hap ban pynbteng ban pynlong ha ki kyrdan bapher bapher ban nang wanrah ia ka jingiajan.

U Conrad ula pynpaw ia ka jingkyrmen ba kane ka tamasa kan plie ia ki lad ki lynti ha ka khaii ka pateng bad ka kam jngoh kai haba kyntu ia ka Sorkar Thailand ba kan kyntiew ia ka kam khaii hapdeng ka Thailand bad ki Jylla ka thain Shatei Lam Mihngi baroh kawei.

“Nga khot sngewbha ia u Symbud Myntri Rangbah ka Thailand bad ia ka Sorkar jong u ban wan iuhkjat ha ka Thain Shatei Lam Mihngi ka Ri India bad kumjuh ruh ia ki Nongsengkam ha ka ban kyntiew ia ka khaii ka pateng bad ka jingiadei jong ka Thailand bad kane ka Thain ka Ri India” ong u Conrad.

U Myntri Rangbah ka Nagaland, u Neiphu Rio ula kren halor ka Nagaland, ka jingriewspah ha ki kam jngohkai, ka lad ban kyntiew ia ka khaii ka pateng bad pynpaw ia ka jingkyrmen ba ka North East India Festival ka dei ka jingpyrshang kaba la shimkhia bha ban pynurlong ia ka Act East Policy jong ka Sorkar Pdeng.

Une u Myntri Rangbah ka Nagaland ula ai jingmut ruh ia ki Myntri Rangbah ka Thain Shatei Lam Mihngi ban iatreilang bad ka Ministry of External Affairs lem bad ka Ministry of DoNER ban lah kyntiew ia ka thain shabar jong ka Ri India.

U Myntri Khynnah ka Sorkar Pdeng ba khmih ia ka Ministry of External Affairs ula ong ba ka Act East Policy ka dei kaba la phaikhmat bad shimkhia bha da u Myntri Rangbah Duh ka Ri u Narendra Modi haba iathuh ia ka jingthmu ban tei ia ka surok ba pyniasoh na Moreh, Manipur sha Thailand kaba iaid lyngba ka Ri Myanmar.’

Ia kane ka tamasa la pynshongkun da ki jingshad nala tynrai jong ka kynhun TaFMA na Nagaland, ka jingrwai tynrai na Nagaland bad kiwei kiwei ki Jylla.

Share post:

spot_img

Popular

More like this
Related

Iasoi MoU ka Sorkar ban seng ia ka Green Skill Academy ki samla ha Shillong

Shillong, Rymphang 28 : Ka Sorkar Meghalaya hynne ka...

Pan jingmut ka BJP na u paidbah ban pynkhreh ia ka Manifesto elekshon Lok Sabha

Shillong, Rymphang 28 : Kum shibynta jong ka ‘Viskit...

Megh Govt inks MoU to set up India’s second Green Skills Academy for youth in Shillong

Shillong, Feb 28: Making a major move to empower the...

Manipur : Pyndem suloi ki Pulit Commando ka Manipur ha Imphal

Imphal, Rymphang 28: Ka kynhun ki Pulit Commando ka...