Tura, Nohprah 21: U Myntri Rangbah ka jylla u Conrad K. Sangma hynne ka sngi balang ula plie iaka Batabari C&RD Block ka thymmai, ha West Garo Hills district ha ryngkat ka jingdonlang u MLA ka Rajabala u Abdus Saleh.
Haba kren haka jingialang u u Myntri Rangbah ula pynpaw iaka jingkmen ba ia ka jingdawa kaba la slem jong u paidbah la lah ban pyn seisoh bad ka jingthaw thymmai iaka C&RD Block kan wanrah iaka jingiajan ha kaban ai ka jingshakri ia u paidbah.
“Kadei ka jingthrang jong ka sorkar kaba mynta ban pynthikna ba ki kam pynroi kidei ban poi sha ki paidbah kiba sah ha ki kyndong kynshrot jongka jylla bad kane ka
C&RD Block kaba thymmai kan pynthikna ban pynpoi pura iaki kam shakri bad ia ki skhim” ong u Myntri Rangbah.
Ha kane ka juh hi ka jingialang, u Myntri Rangbah ryngkat bad ki heh ki haiñ kila plie ruh ia u mawnongrim jong ka Veterinary Dispensary kaba don ha Bhaitbari (Rajpur), West Garo Hills.
Ia katei ka Veterinary Dispensary la tei lyngba ka NABARD ha ka jinglut jingsep kaba kot T. 90.4 Lakh.
U Myntri Rangbah ula sam ruh ia ki FOCUS+ card sha ki nongioh jingmyntoi bad ki syiar lyngba ka PROGRESS Scheme bad ula ai ruh iaka Direct Benefit Transfer sha ki 23,491 ki nongioh jingmyntoi kaba kot T. 11.75 Klur lyngba ka FOCUS+.
