Tura, Naitung 19 : U Myntri Rangbah ka Jylla, Conrad K Sangma ha ka sngi Baar u la plie paidbah ia ka Jackfruit Mela 2022 ha SMELC, Dakopgre, Tura.
Happy to inaugurate the Jackfruit Mela in Tura under the state’s Mission Jackfruit.
The Mission is aimed at exploring the potential of jackfruit through creation of value chain for jackfruit products & helping entrepreneurs set up small scale & nano enterprises. @prahladspatel pic.twitter.com/n68fqXtanp
— Conrad Sangma (@SangmaConrad) July 19, 2022
Lah ban kdew hangne ba ka Jackfruit Mission kadei ka flagship programme jong ka sorkar jylla kaba la pyllait paidbah naduh u Naitung 2018.
Haba kren ha kane ka sngi u Myntri Rangbah u la ong ba ka Rilum Garo kadei ka jaka kaba paka tam na ka bynta ban thung bad pynroi ia ka jingthung sohphan.
U ong ruh ba ka rep sohphan ka kot sha ka 400 klur bad lada lah ban kyntiew shuh shuh ka lah wat ban pynkylla dur bad kyntiew ia ka ïoh ka kot jong ki paidbah.
“Ka jingdawa ia u sohphan kadei kaba wan na shabar jylla kumta ki paidbah na Rilum Garo ki dei ban shim kabu ia kane ka prokram jong ka sorkar ban kyntiew ia ka kamai kajih bad ka ioh ka kot,” u la ong.
Shuh shuh u ong ba ha kine ki saw snem ka sorkar ka la wanrah bun ki lad ki lynti na ka bynta ka jingbha ki nongrep bad kumta ka mission sohphan ka la plie lad ban wanrah ia ki jait jingshna bapher bapher na u sohphan.
Shuh shuh u ong ruh ba kadei ka jingthrang jong ka sorkar lyngba ka FOCUS ban iarap shuh shuh ia ki nongrep na ka bynta ba kin pynheh shuh shuh ia ka kamai kajih jong ki.
U Myntri Rangbah u la ong ruh ba ki don haduh 4.5 lak kin myntoi na katei ka skhim bad 2.5 lak ngut ki la dep ioh ia ki song jingiarap na katei ka skim.
Ha kane kajuh ka sngi, u Myntri Rangbah u la aiti ruh San tylli ki kor puh lum lyngba ka special assistance sha ka Tribal Sub-Scheme bad pynbna ruh ba kane ka skim kan iaid na bynta ka Rilum Garo baroh kawei.
In Tura, West Garo Hills District handed over 5 power trillers under the Special Assistance to Tribal Sub-Scheme and officially rolled out the scheme for distribution of power trillers in Garo Hills region.@MundaArjun @TribalAffairsIn pic.twitter.com/EbH8pasdbf
— Conrad Sangma (@SangmaConrad) July 19, 2022
Lah ban kdew hangne ba ia katei ka mission sohphan la pyntreikam da ka Directorate of Food Processing. Kane kan iarap wat ban kyntiew ia ka kamai kajih ka ïoh ka kot jong ki nongshong shnong la ka long ha sor bad ruh ha nongkyndong da kaba plie lad lyngba ki karkhana rit ne ba heh ruh ban pynmih ia ki jait jingbam bapher bapher na u sohphan.
